«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Қаз

13 желтоқсанда ҚР Президентінің «Алтын сапа» сыйлығының жеңімпаздарын және «Қазақстанның үздік тауары» байқауының дипломанттарын марапаттау рәсімі өтеді

2019 жылғы 06 Желтоқсан
46245 просмотров

2019 жылғы 13 желтоқсанда Нұр-Сұлтан қаласында «ЭКСПО» конгресс-орталығында Қазақстан Республикасы Президентінің «Алтын сапа» сыйлығының жеңімпаз-лауреаттарын және «Қазақстанның үздік тауары» республикалық байқау-көрмесінің дипломанттарын марапаттау рәсімі өтеді.

ҚР Президентінің «Алтын сапа» сыйлығын иемдену үшін байқау мен «Қазақстанның үздік тауары» байқау-көрмесі ҚР Президентінің 2006 жылғы 9 қазандағы № 194 «Қазақстан Республикасы Президентінің «Алтын Сапа» сыйлығын алуға арналған конкурс туралы» Жарлығымен жеке өндірісті дамыту және тауарлар мен қызметтердің сапасын үздіксіз жақсарту мақсатында құрылды.

Байқау төрт номинация бойынша өткізіледі: «Өндірістік мақсаттағы үздік кәсіпорын»; «Халыққа арналған тауар шығаратын үздік кәсіпорын»; «Қызмет көрсететін үздік кәсіпорын»; «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын».

Әр номинацияда шағын, орта және ірі кәсіпкерлік субъектілері санаттары бойынша үш сыйлықтан беріледі. Жыл сайын еліміздің 200-ден астам кәсіпорны «Алтын сапаның» үміткері болады.

 «Қазақстанның үздік тауары» республикалық байқау-көрмесі үш номинация бойынша өткізіледі: «Өндірістік мақсаттағы үздік тауарлар»; «Халыққа арналған үздік тауарлар»; «Үздік азық-түлік тауарлары».

Байқаулардың лауреаттары мен дипломанттары төрт жыл бойы байқау эмблемасын жарнамалық мақсатта пайдалану құқығын алады. Олар туралы ақпаратты тек марапаттау рәсімінде білуге болады. Іс-шара ҚР Президенті Қ.Тоқаевтың және еліміздің басқа да жоғары лауазымды тұлғаларының қатысуымен өтеді.

Өтетін орны мен уақыты: 13 желтоқсан, уақыты 09.00 (07.00 мен 08.00 арасында ғимаратқа кіріп үлгеру қажет), Нұр-Сұлтан қ., «ЭКСПО» конгресс-орталығы, Сауран к-сі 44.

Журналистер үшін аккредитация 9 желтоқсанға дейін https://is.gd/w83pUI сілтемесі бойынша жүреді.

Сұрақтар бойынша: 8 (7172) 919-367, pr@atameken.kz    



Еншілес ұйымдар

Серіктестер