Ақтөбеде Кәсіпкерлер Палатасы әлеуметтік бейімдеу орталығының тәрбиеленушілерін бизнестің қыр-сырына үйретеді
Сертификатталған бизнес-тренерлер Гүлнар Сейтжаппарова мен Сәкен Құбайдуллин өз ісін қалай ұйымдастыруға болатынын айтып берді. Тренингтер екі тілде өтеді. Сабақтар «Атамекен» қолдауымен «Мейірім» әлеуметтік бейімдеу орталығы басшылығының бастамасымен басталды.
Бірінші топ кәсіпкерлік және бизнес-жоспарлау негіздерін меңгерген 10 тыңдаушыдан тұрды.
Осы тренингтерге қатысу жастарға идеяны жинақтаудан бастап стартапты іске қосуға дейінгі бизнесті құрудағы барлық нақты қадамдардан өтуге мүмкіндік береді.
«Интерактив алғашқы сабақтарда пайда болды. Көптеген жастар өз ісін ұйымдастыруға дайын: бірі жиһаз өндірумен айналысқысы келсе, біреу кофехана немесе сұлулық салонын ашуын жоспарлаған. Біз тренингтер циклін өткізіп қана қоймай, сондай-ақ олардың бизнес-жоспарларын қарауға, жастардың бизнес бастамаларын дамытудың қолданыстағы мемлекеттік бағдарламалары шеңберінде сүйемелдеуге дайынбыз. Балалар үшін бұл тақырып күрделі болып көрінеді, бірақ ол кәсіпкердің маңызды сапасын – жауапкершілікті қалыптастырады. Қатысушылар ақпаратты түсінуі үшін біз зерттеу жұмысымен салыстырдық. Талқылау барысында креативті идеядан бизнесті ұйымдастырудың нақты қадамдық тәжіребеге қалай өту керектігі туралы мысалдар келтірілді», – дейді бизнес-тренер Гүлнар Сейітжаппарова.
.jpg)
Тренингтің барлық қатысушыларына үй тапсырмаларына арналған оқулық-құралдар мен дәптерлер таратылды.
«Жыл бойы сабақтардың толық курсын өткіземіз. Біз байланыстамыз және әрқашан жастарды қызықтыратын сұрақтарға жауап беруге дайынбыз. Болашақта өндірістік кәсіпорындарға экскурсия жүргізуді қарастырып, табысты бизнесмендермен кездесулер ұйымдастырамыз», -дейді бизнес-тренер Сәкен Құбайдуллин.
Әлеуметтік орталықтың тәрбиеленушілерін оқыту барысында қор биржасындағы сауда-саттықты сұрыптауға, бағалы қағаздардан ақша табуға және өз бизнесін қалай жүргізуге үйретеді. Тренингтер кәсіпкерлік саласының негізгі ұғымдары мен заңдарын зерделеуге, білім алушыларда бизнес-ойлауды қалыптастыруға, белсенді өмірлік ұстанымды таңдауға, қазіргі заманғы жағдайларда болашақ дербес өмір сүру үшін дағдыларды жасауға бағытталатын болады.
.jpg)
«Мен осы жобаға қатысқаныма қуаныштымын. Барлығы өте белсенді өтті, ең бастысы, ақпарат қол жетімді және түсінікті болды. Ойлануға бір нәрсе бар», - деп тыңдаушылар бірінші екі сағаттық сабақтан кейін осындай сипаттағы пікірлер қалдырды.
Бүгінде «Мейірім» әлеуметтік бейімдеу орталығында 83 тәрбиеленуші бар. Жыл бойы олардың барлығы бизнес - тренерлердің оқуымен қамтылатын болады.
(2).jpeg)
Анықтама үшін: «Мейірім» жастарды әлеуметтік бейімдеу орталығы 2017 жылдың 10 қаңтарында құрылған. Ақтөбе қ., Кирпичный тұрғын алабында орналасқан. Орталықтың ашылуы Ақтөбе облысында жетім балалар мен ата – анасының қамқорлығынсыз қалған балаларға арналған балалар үйлері мен интернаттық ұйымдардың түлектерін әлеуметтік бейімдеумен 100% қамтуға мүмкіндік берді. Тұратын тәрбиеленушілердің жасы 16-дан 29 жасқа дейін. Қазіргі уақытта «Мейірім» жастарды әлеуметтік бейімдеу орталығында 83 тәрбиеленуші тұрады, оның ішінде 37 студент.
Пікір қалдыру:
Пікірлер: