«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Жобаларды сүйемелдеу

Өңірлік кәсіпкерлер палатасының міндеттерінің бірі кәсіпкерлік субъектілерінің салық салу, агроөнеркәсіптік кешен, кедендік әкімшілендіру, техникалық реттеу және экономикалық интеграция саласындағы мемлекеттік органдармен тиімді өзара іс-қимылын ұйымдастыру, мемлекеттік-жекеменшік серіктестікті ұйымдастыруға жәрдемдесу, инвестициялық жобаларды қолдау, инвестицияларды тарту бойынша іс-шаралар ұйымдастыру, мемлекеттік және квазимемлекеттік сектордағы сатып алу мониторингі болып табылады.

Мемлекеттік сатып алуға енгзілген өзгерістер !

Қазақстан Республикасы Қаржы министрінің 2021 жылғы 25 тамыздағы №863 бұйрығымен (ҚР ӘМ-де 2021 жылғы 26 тамызда № 24120 тіркелді) Мемлекеттік сатып алуды жүзеге асыру қағидаларына (ҚР Қаржы министрінің 2015 жылғы 11 желтоқсандағы №648 бұйрығымен бекітілген) өзгерістер енгізілген.

Бұйрықтың мәтіні, Салыстырмалы кестесі мемлекеттік сатып алу веб-порталының басты бетінде орналасқан.

Негізгі жаңалықтар:

Біріншісі, сатып алу тәсіліне қарамастан, ұлттық режимнен алып қою белгіленген тауарларды сатып алу кезінде индустриялық сертификаттарды қолдану.

Екіншісі, ҚМЖ кезінде демпингті 10% - дан 5% - ға дейін, инжинирингтік қызметтер кезінде 15% - дан 10% - ға дейін төмендету.

Үшіншісі, күнтізбелік жыл ішінде бір реттен артық қаржылық орнықтылық жөніндегі деректерді жаңартуға тыйым салуды белгілеу.

Төртіншісі, жергілікті қамтуды дамыту мақсатында тауарларды, орындалған жұмыстарды, көрсетілген қызметтерді қабылдау-беру актісін жіберген кезде әлеуетті өнім берушілердің жергілікті қамту туралы есепті толтыруы.

Бесіншісі, Тапсырыс беруші тиісті бастапқы деректерді ұсынған сәттен бастап жұмыстарды орындауды бастау мерзімін белгілеу.

Алтыншы, Біліктілікті алдын ала іріктеумен жүргізілетін конкурс тәсілімен мемлекеттік сатып алу жүзеге асырылатын тауарлардың, жұмыстардың, көрсетілетін қызметтердің тізбесінің жаңартылуы (Сенім білдірілген бағдарламалық қамтамасыз етудің және электрондық өнеркәсіп өнімінің тізіліміне енгізілген, бағдарламалық қамтамасыз етуге және электрондық өнеркәсіп өнімінің санатына (ақпараттандыру объектілерінің сыныптауыштарына сәйкес) жататын тауарлар).

ҚР «Атамекен» Ұлттық Кәсіпкерлер палатасы «Қарапайым заттар экономикасы» шеңберінде: жеңіл, жиһаз, химия, фармацевтика, қағаз-целлюлеза және тамақ өнеркәсібі тауарларын, құрылыс материалдарын, сонымен қатар машина жасау тауарларын мемлекеттік сатып алулардағы жергілікті қамтуға талдау жүргізеді.

Сонымен қатар, тұрақты түрде іске асырылып жатқан және жоспарланған, соның ішінде «Жұмыспен қамтудың жол картасы» бағдарламасы шеңберінде құрылыс нысандарына мониторинг жүргізіледі.

Отандық тауар өндірушілерге, сондай-ақ жұмыстар мен көрсетілетін қызметтерді отандық берушілерге қолдау көрсету мақсатында Жергілікті қамтуды бақылау жөніндегі өңірлік комиссия жұмыс жасайды.

Ағымдағы жылы Комиссияның 24 отырысы өткізілді. Бұл отырыстарда жергілікті қамтуға жасалған мониторинг нәтижелері, жергілікті кәсіпорындардың құрылыс материалдарының нысандарда қолданылуы, жер қойнауын пайдаланушылардың сатып алуларына қатысу мәселелері, кәсіпорындардың жүктемесін арттыру жолдары және т.б. сұрақтар қарастырылды. Бұған қоса, отырыстарда сатып алу мәселелеріне қатысты кәсіпкерлерден түскен 59 өтініш пен ұсыныстар қаралды. Оның 55-і аяқталды, қалғандары жүргізілуде. Талдау нәтижесінде анықталған негізгі проблемалық мәселелер: орындалған жұмыстарға/қызметтерге және жеткізілген тауарларға уақытылы төлемеу; шарттың орындалуын қамтамасыз ету үшін енгізілген қаражатты уақтылы қайтармау; өткізу нарығын кеңейту / іздеу; шартқа уақтылы қол қойылмауына байланысты жосықсыз қатысушылардың тізіміне енгізу; шартты жеңілдікті есептеу; порталға қызмет көрсету және оны жақсарту бойынша сұрақтар мен ұсыныстар және т.б.

2021 жылы мемлекеттік сатып алудың жылдық көлемі 168 млрд. теңгені құрады. Жалпы, мониторинг мемлекеттік сатып алудың 91 млрд теңгесін немесе 54 пайызын қамтыды.

«Қарапайым заттар экономикасы» тауарларын сатып алудағы жергілікті қамтудың үлесі орта есеппен 57% құрады. Салалар бойынша:

- жиһаз – 72,5%;

- жеңіл – 70,7%;

- тамақ – 90,6%;

- химиялық – 60,7%;

- фармацевтикалық – 44,3%;

- қағаз-целлюлеза – 86,1%;

- құрылыс материалдары – 79,6%;

- машина жасау – 26,4%.

Барлық жоспарланған индикаторлар орындалды.

Әлеуметтік және инфрақұрылымдық нысандар құрылысында қазақстандық қамту 94%-дан астам.

Импортталатындар болып сантехника, қаптайтын материал (плитка), ламинат, лак-бояу тауарлары. Аталған тауарлар елімізде өндірілмейді.

Жергілікті қамтудың артуы елімізде өндірілетін тауарлар номенклатурасының артуымен байланысты.

Мысалы, біздің облысымызда 370-ке жуық өнім түрлерін өндіретін 200-ден астам отандық тауар өндіруші (соның ішінде 40-тай құрылыс материалдарын өндіруші) әрекет етеді.

Өндірілетін тауарлар номенклатурасының тұрақты түрде артуына  мемлекеттік қолдау шаралары әсер етуде.

Отандық тауар өндірушілерді қолдау мақсатында Комиссия тапсырыс берушілерге заң шеңберінде жергілікті тауар өндірушілермен келісім-шарттар жасау туралы ұсыныстар берді. Мәселен, ағымдағы жылы 816,7 млн ​​теңгеге ұсынымдар берілсе, бүгінгі күні ұсыныс алған тұтынушылар 494 млн теңгеге келісім-шарт жасасқан.

Серіктестер