Ақтөбеде Кәсіпкерлер палатасы мен Халық банкінің филиалы бизнесті қолдау үшін күш біріктіреді
"Қазақстан Халық банкі" АҚ Ақтөбе филиалы мен өңірдің Кәсіпкерлер палатасы арасында ынтымақтастық туралы Меморандумға қол қойылды. Банк филиалының директоры Гүлжахан Бәйтерекова мен ӨКП директоры Дидар Боранқұлов облыста бизнесті дамытуға бағытталған бірлескен бастамалар мен жобалар үшін жаңа көкжиектер ашатын құжатқа қол қойды. Қол қойылған ынтымақтастық туралы меморандум-бұл жай ғана формальдылық емес, Ақтөбе облысында бизнесті жандандырудың нақты мүмкіндігі.
Банк пен кәсіпкерлер палатасының бірлескен күш-жігері жергілікті кәсіпкерлер үшін олардың табысты дамуы мен өркендеуіне ықпал ете отырып, жаңа перспективалар ашады. Ынтымақтастықтың негізгі бағыттарына бірлескен кездесулер мен дөңгелек үстелдер өткізу, жұмыс топтары мен сараптамалық комиссияларға қатысу, ақпарат алмасу және бірлескен бағдарламаларды іске асыру кіреді. Бұл кәсіпкерлерге қолдау көрсету үшін негіз болады.
(1).jpeg)
Гүлжахан Бәйтерекованың айтуынша, банк қолданыстағы қаржы құралдары туралы ақпарат беріп, қаржыландыру бағдарламалары бойынша консультациялар өткізіп, облыс аудандарында бизнес үшін көшпелі іс-шараларды ұйымдастыра отырып, процеске белсенді қатысуға ниетті. – "Бұл кәсіпкерлерге бизнесті табысты жүргізу үшін қажетті заманауи қаржылық шешімдер мен құралдарға қол жеткізуге мүмкіндік береді".
Өз кезегінде, Кәсіпкерлер Палатасы оқыту семинарлары мен тренингтерін ұйымдастырады, бизнес субъектілеріне қаржыландыру алу үшін бизнес-жоспарлар құруға көмектеседі және салық салу мен есеп беру мәселелерінде консультациялық қолдау көрсетеді. Ақтөбе облысының кәсіпкерлер палатасының директоры Дидар Боранқұлов қаржы институттарымен өзара іс-қимылдың маңыздылығын атап өтті: "Бүгін біз банк секторы мен шағын және орта бизнес өкілдері арасындағы әріптестікті нығайтуға маңызды қадам жасап жатырмыз. Бұл ынтымақтастық біздің өңірде кәсіпкерлікті дамыту үшін қолайлы жағдайлар жасауға мүмкіндік береді."
(1).jpeg)
Меморандумға қол қою аясында кәсіпкерлер үшін Halyk bank-тың жаңа өнімі түсіндірілді - бұл моноқалалардағы кәсіпкерлікті қолдау бағдарламасы. Шарттары: - Жылдық 10% несиелеу - Кәсіпкерлер үшін 50 млн теңгеге дейін қаржыландыру - Несие мерзімі 5 жылға дейін – Кепілдік талап етіледі.
Банктің жетінші жыл бойы келе жатырған тағы бір бағдарламасы ол "Бизнестегі әйелдер", шарттары: - 30 млн теңгеге дейін жеңілдікпен кредиттеу - Жылдық 9% мөлшерлемесі - Жарғылық капиталында кемінде 50% әйелдерге тиесілі болуы, перспективті дамуға бағытталған бизнес-жобаларды қолдау.
Кәсіпкерлер шараға офлайн және онлайн форматта қатысу мүмкіндігіне ие болды. Кездесу "сұрақ-жауап" сессиясымен аяқталып, қатысушыларға жеке консультациялар берілді. Жұмыс меморандум аясында жалғасады, оның ішінде облыс аудандарында кәсіпкерлердің қатысуымен өтетін шаралар да қарастырылған.
(1).jpeg)
Пікір қалдыру:
Пікірлер: