Батыс Қазақстан құрылыс компаниясынан армандаған пәтерлер
Мемлекеттік бағдарламаларды іске асыру бизнестің қатысуынсыз мүмкін емес, Батыс Қазақстан облысында әлеуметтік-экономикалық даму міндеттері мен мақсаттарын табысты жүзеге асырып жатқан жетекші компаниялардың бірі – «Болашақ Т» жауапкершілігі шектеулі серіктестігі. 2006 жылдан бастап Қазақстанда ипотекалық тұрғын үй бағдарламасы жұмыс істей бастаған бойда оны жүзеге асыруға «Болашақ Т» ЖШС атсалысып, соңғы 19 жылда құрылыс ұйымы 450 мың шаршы метр тұрғын үй салған. «Болашақ Т» ЖШС директоры Асқар Кущанов компанияның қалыптасу тарихы мен табысты дамуы туралы айтты.
— «Болашақ Т» ЖШС ПМК-2 базасында құрылды (КСРО кезінде «Уральскселстрой» тресіне қараған). Қазақстан тәуелсіздік алғаннан кейінгі алғашқы жылдары ПМК-2-ні інім Қайдар Жасенұлы басқарды, ал жекешелендіру басталғанда 1998 жылы кәсіпорынды жекешелендіріп, атын «Болашақ Т» ЖШС деп өзгертті. Ағамыздың кәсіпкерлікке деген жолы осылай басталды.
Жалпы, Қайдар Жасенұлының кәсіптегі дамуын еске түсіретін болсақ, ол барлық кезеңдерді бастан өткерді: шеберліктен бастап, кейіннен бригадир, прораб, аға прораб, бас инженер, ПМК бастығы қызметтерінде тәжірибе жинақтады.
Оның мамандық таңдауы саналы болды. Жергілікті құрылыс техникумын бітіргеннен кейін Саратов политехникалық институтында оқуын жалғастырды. Жоғары білім алу Қайдар Жасенұлына басшылық қызметке орналасуға мүмкіндік берді, бірақ кәсіпкерлікте табысқа, әрине, кәсіби шеберліксіз жету мүмкін емес.
«Болашақ Т» ЖШС қызметіндегі рөлімді айтатын болсақ, мен компанияға оның шақыруымен келіп, құрылыс саласын игере бастадым. Білімім инженер-механик, 1998 жылға дейін Орал механикалық зауытында жұмыс істедім. «Болашақ Т» ЖШС-не келгенімде «материалдық-техникалық қамтамасыз ету және көліктік қамтамасыз ету» бағытына жетекшілік еттім.
— Ипотекалық тұрғын үй бағдарламасына қашаннан бері қатысып жүрсіз?
— 2006 жылдан, яғни бағдарламаның жүзеге асуын бастап. Ал 2012 жылы Қазақстан Республикасы Үкіметінің өнеркәсіптік тұрғын үй құрылысы комбинаттарын (яғни, үй құрылысы комбинаттарын) салу және іске асыру туралы қаулысы шықты.Өндірістік тұрғын үй құрылысында құрылыс жұмыстарының көп бөлігі зауытта немесе цехта жүзеге асырылады, содан кейін дайын элементтер (панельдер, блоктар, плиталар) орнату үшін құрылыс алаңына жеткізіледі.
Кеңес заманында Оралда үй құрылысы комбинаты болғанымен, КСРО ыдыраған соң көп нәрсе «ұмыт болып кетті». ҚР Үкіметі кәсіпорындарға өнеркәсіптік үй құрылысына көшу туралы тапсырма бергенде, «Болашақ Т» жауапкершілігі шектеулі серіктестігі зауыт құрылысына кірісті.
Нысан 2014 жылы пайдалануға берілді. Термос эффектісін тудыратын қабырғалық панельдерді (сэндвич-панельдер) жасау үшін немістің VOLLERT компаниясына жабдыққа тапсырыс бердік.
Үй құрылысы комбинатының қуаттылығы 50 мың шаршы метр тұрғын үйді құрайды. 10,5 жылда біз 350 мың шаршы метрді салып қойдық, егер тұрғын үй нысандарын сандық тұрғыдан алғанда, бұл Оралдағы 42 көпқабатты үй.
Серіктестік облыс орталығымен шектелмей, Тасқала ауылында 35 жеке тұрғын үй салды. Сонымен қатар әлеуметтік нысандар – мектептер, ауруханалар салуға да атсалысамыз. Оралда көпсалалы аурухана, Қадыр Мырза Әлі атындағы шығармашылық орталығы, №42 орта мектеп салынса, Ақжайық ауданындағы Трекино, Желаево, Ақсуат ауылында орта білім беру мекемелері бой көтерді.
— «Болашақ Т» жауапкершілігі шектеулі серіктестігі басқа өңірлердегі тендерлерге қатыса ма?
— Серіктестік бір кездері Атырауда тозығы жеткен, апатты деп танылған екі көпқабатты үй құрылысына қатысқан. Алайда, панельдерді басқа аймақтарға жеткізу үлкен көлік шығындарын талап ететіндіктен, қала сыртында құрылыс жүргізу тиімсіз.
— Сіздің компанияңызда қанша адам жұмыс істейді?
— «Болашақ Т»ЖШС үй құрылысы комбинатында 60 адамға дейін жұмыс істейді. Тұрғын үйлер мен әлеуметтік нысандардың құрылысына 250-ге жуық адам тартылған. Біз тендерлерді ұтып алсақ, штатымызды кеңейтеміз. Биыл мектеп салуға тендерді ұтып алдық, қазір кәсіпорында 300-ге жуық адам жұмыс істейді.
P.S.: Қорытындылай келе, мемлекеттік тұрғын үй бағдарламасын іске асыруға қатысушы ретінде «Болашақ Т» ЖШС «Отбасы Банкі» АҚ-мен бірлесіп, халықтың, соның ішінде халықтың әлеуметтік осал топтарына жататын азаматтардың сапалы, заманауи тұрғын үйге деген сұранысын әбден қолайлы шарттармен қанағаттандыратынына назар аударғымыз келеді.
Осы компанияның арқасында батысқазақстандықтардың жайлы өмір сүру үшін барлық талаптарға сай келетін жеке баспана туралы арманы шындыққа айналуда.
Пікір қалдыру:
Пікірлер: