Бүгін Астанада Шанхай Ынтымақтастық Ұйымы (ШЫҰ) Іскерлік кеңесінің мүшелері ШЫҰ Іскерлік кеңесі Алқасының 25-отырысында бас қосты.

Мерейтойлық ауқымды іс-шараға Қазақстан, Қытай, Қырғызстан, Ресей, Тәжікстан, Өзбекстан, Үндістан, Иран және Пәкістан делегацияларының басшылары қатысты. Күн тәртібінде сауда-экономикалық байланыстар мен инвестициялық ынтымақтастықты дамыту, сондай-ақ бірлескен инфрақұрылымдық жобаларды әзірлеу болды.

Айта кетейік, іс-шара алдағы ШЫҰ мүше мемлекет басшыларының саммитіне маңызды дайындық болып отыр. Беларусь, Катар және БАӘ өкілдері,  елшілер, бақылаушылар және серіктестер белсене қатысты.

Қатысушыларды құттықтаған ШЫҰ Іскерлік кеңесінің төрағасы Райымбек Баталов Иран Ислам Республикасының ШЫҰ-ның толыққанды мүшелерінің  қатарына қосылғанын атап өтті. 

«Шанхай Ынтымақтастық ұйымының Іскерлік кеңесі – шын мәнінде, ШЫҰ елдерінің бизнес-қауымдастықтарын дамыту үшін маңызды әрі тиімді платформа. Бұл Кеңес кәсіпкерлер арасындағы ынтымақтастықты одан әрі дамытуға ықпал етіп, бизнес ауқымын кеңейтудің жаңа жолдарын табуға, серіктестік байланыстар орнатуға және бірлескен жобаларды іске асыруға септігін тигізеді», - деді Іскерлік Кеңес төрағасы.

Сонымен қатар, қазақстандық тарап экономикалық ынтымақтастықтың өсуінің қаржылық тетіктерін пысықтау керектігін, атап айтқанда «Астана» Халықаралық қаржы орталығының платформасын пайдалана отырып, ШЫҰ Инвестициялық қорын құру қажеттігін атап өтті. Тағы бір бастама ретінде мультимодальды өнеркәсіптік кластерлерді іске асыру үшін бірлескен инжинирингтік хаб құру болды.

Мысал ретінде спикер инвесторларға Қазақстандағы мүмкіндіктер мен жобалар туралы, сондай-ақ бизнес жүргізу бойынша толық түсінік алуға мүмкіндік беретін бірегей дерекқор, цифрлық өнім – Интерактивті инвестициялық картаға тоқталды.

Сауда және интеграция вице-министрі Қайрат Төребаев өз сөзінде ШЫҰ геосаяси және экономикалық саладағы ерекше рөлін атап өтті. Қазақстан бұл ынтымақтастықты одан әрі дамыта бермек.

Қатысушы елдер арасындағы серіктестік пен сенімді дамытуға қосқан үлесін ШЫҰ Іскерлік Кеңесі Ұлттық секциясының төрағасы Трибхуван Дарбари мырза атап өтті.

Иран Ислам Республикасының спикері Маджидреза Харири өз сөзінде Иранның ШЫҰ қатысушы ел ретінде ұстанатын негізгі бағыттары туралы сөз қозғады. Ол серіктестер арасында инвестициялық перспективалар туралы ақпаратты арттыру қажеттілігіне ерекше назар аударды.

Қытай Халық Республикасынан ШЫҰ Іскерлік кеңесі Ұлттық секциясының төрағасы У Мэн мырза қатысушыларға ШЫҰ Іскерлік кеңесі аясында Қытай ұйымдастыратын шараларға қатысуға шақырды. Бұл іс-шаралар аймақтық ынтымақтастықты нығайтуға және ШЫҰ-ға мүше елдер арасындағы өзара іс-қимылдың түрлі салаларын дамытуға бағытталғанына тоқталды.

Трансшекаралық көліктік коммуникацияларының дамуын Қырғыз Республикасының спикері Темір Сариев айтты. Сондай-ақ, ол ШЫҰ елдерімен жаңартылатын энергияны дамыту бойынша бірлескен жобалардың іске асырылуын атап өтті.

Пәкістан спикері Атиф Икрам Шейх өзінің бейне үндеуінде Кеңес ІК-тің  барлық жоспарын жүзеге асыруға күш салады деген үмітін білдірді.

Сондай-ақ, қыркүйек айында еліміздің ауыл шаруашылығы әлеуеті, адам капиталы және IT секторымен танысуға мүмкіндік беретін инвестициялық конференция өтетіні белгілі болды.

ШЫҰ Іскерлік кеңесіндегі Ресей Федерациясының өкілі Сергей Катырин ШЫҰ мүмкіндіктеріне сұраныстың артып келе жатқанын атап өтті.

Оның пікірінше, серіктестер электронды құжат айналымын және бизнесмендер мен тұтынушылардың жеке деректерінің қорғалуын үнемі қадағалап отыруы керек.

Сонымен қатар, спикер бизнестегі экологиялық күн тәртібін қолдау арқылы тұрақты даму (ESG) бағытында бірлесіп жұмыс істеу қажеттігі туралы айтты.

Өзбекстан Республикасынан келген спикер Даврон Вахабов  бірыңғай ақпараттық алаң мен кәсіпкер әйелдер комитетін құру туралы ойын ортаға салғанын да айта кеткен жөн. Сондай-ақ, сауда айналымының жаңа алаңын енгізу және әр елдің өнімдерін көрсететін тұрақты көрме залы бар сату кеңселерін құру ұсынылды.

ШЫҰ Іскерлік кеңесінің жауапты хатшысы Сергей Канавский 2023 жылдың қыркүйегінен бүгінгі күнге дейінгі кезеңдегі қызметі туралы есеп берді. Сондай-ақ, ол Алқа отырысын қорытындылай келе, электронды сауда алаңдарының экономикаға айтарлықтай қатысуын және ауыл шаруашылығы дақылдарының өнімділігін арттыру және мал басын қорғау үшін ауылды жерлерді биоремедиациялауға ықпал ететін стартаптардың маңыздылығын атап өтті.

«Сіздердің барлық нұсқауларыңыз бен ұсыныстарыңыз ескеріледі. Осы мақсатта біз ШЫҰ Іскерлік кеңесі қызметінің негізгі бағыттары деп аталатын арнайы құжат дайындап жатырмыз», - деді Канавский.

Әріптестермен келіскеннен кейін құжат одан әрі іске асыру үшін ШЫҰ Хатшылығына жіберіледі.

Отырысты қорытындылай келе, ШЫҰ Іскерлік кеңесінің төрағасы Райымбек Баталов ШЫҰ Бас хатшысы Чжан Минге және ШЫҰ Іскерлік кеңесінің Атқарушы хатшысы Сергей Канавскийге ризашылығын білдірді.

ШЫҰ Іскерлік кеңесі отырысының күн тәртібі

Іс-шарада ұйымның 2030 жылға дейінгі Стратегиялық даму жоспары ұсынылды. Қатысушылар Іскерлік кеңес қызметінің негізгі аспектілерін, соның ішінде жаңа жобалар мен құрылымдық өзгерістерді талқылады. Қазақстанның ШЫҰ-ға төрағалық ету кезеңінде ел аумағында қатысушы елдер капиталының қатысуымен 29 мыңнан астам компания жұмыс істейтінін атап өту маңызды, олардың 5 мыңнан астамы бірлескен кәсіпорындар болып табылады. Қазақстанның ШЫҰ елдерімен тауар айналымы өткен жылы шамамен 66 млрд долларға жетті, ал осы елдерден келген инвестиция көлемі 4,6 млрд долларды құрады.

Тиімді аймақтық ынтымақтастықты дамытуға ықпал ету мақсатында қазақстандық тарап бірқатар ірі іс-шаралар өткізді. Олардың қатарында ШЫҰ цифрлық форумы, «Jibek Joly Music Fest» музыкалық фестивалі және ҚХР-дағы Қазақстан туризмі жылы аясында өткізілген салтанатты іс-шараларды атап өтуге болады. Соңғы іс-шара аясында Үрімшіде «Атамекен» Ұлттық палатасының өкілдігінің ашылуын және 2024 жылғы Шыңжаң туризм және сауда жәрмеңкесіне қатысуын айта кеткен жөн.

Осыған байланысты делегация басшылары аймақтық экономикалық ынтымақтастықты одан әрі дамытуға және инвестициялар үшін қолайлы жағдай жасауға жәрдемдесудің маңыздылығын атап өтті. Бұл тауарлардың, капиталдың, қызметтердің және технологиялардың еркін қозғалысын біртіндеп іске асыру үшін қажет. Кездесу қорытындысы бойынша қатысушылар Іскерлік кеңес Алқа отырысының хаттамасын бекітті.

Айта кетейік, осы жылдың шілде айында Қазақстан Үндістанда өткен саммиттен кейін ШЫҰ төрағалығын қабылдады. Алдағы бесжылдыққа төрағалық Қазақстаннан Қытайға өтетін болады.

Осылайша, «Атамекен» Ұлттық палатасы елдің инвестициялық тартымдылығын арттыруға бағытталған Қазақстанның экономикалық реформалары процесіне белсенді қатысып, шетелдік инвестициялар үшін «Ашық есік» саясатын ұстанады. Біздің ҚР Үкіметімен тұрақты және болжамды салық режимін қамтамасыз ету, сот жүйесін жетілдіру және әділ кәсіпкерлік ортаны құру бойынша ынтымағымыз берік.