«Үй жанындағы» дүкен ұстаған кәсіпкерлер жаңа талаптарға наразы
Алматы қаласындағы «үй жанындағы» дүкен ұстаған кәсіпкерлер өңірлік палатаға жиналды. Олар мобильді ақша аударымдарына қатысты мәселенің балама шешімін енгізуді сұрайды. Жиналғандардың пікірінше, ұсынылған жаңашылдық олардың жұмысын едәуір қиындатып қызметінен түсіп отырған азнаулақ пайданы одан әрі төмендетеді.
Шағын сауда нүктелерін цифрландыруға байланысты шу көтерілді. Қазақстанда жаңа ережелер енгізілгелі жатыр: егер азамат үш ай ішінде әртүрлі жөнелтушілерден жалпы сомасы 255 000 теңгеден асатын 100-ден астам аударым алса, онда ол ерекше есепке алынуға жатады. Кәсіпкерлер кешенді түсініктеме алу үшін «Атамекен» алаңына салық органдарының өкілдерін шақырды. Алайда мемлекеттік органның өкілдері келмеді. Сондықтан шағын бизнес иелері «Атамекеннің» араласуын талап етуде.
Кәсіпкер Нұргүл Бекова мобильді аударымдарды пайдалану - салықтан жалтару емес деп санайды. Оның айтуынша, бұл аударым мен қолма-қол ақша үшін шамамен 5% құрайтын банктік комиссияларға шығындарды азайтудың бір жолы ғана.
.jpg)
«Мобильді аударымдар салықтан жалтару әрекеті емес, тек банктік комиссияларды төмендету тәсілі. Біз салық төлеу керек екенін түсінеміз, бірақ бұл шектеулер бізге үлкен қаржылық шығын әкеледі. Менің ойымша, мұндай шағын дүкендер үшін патенттік жүйе болуы керек. Бұл салық салуды едәуір жеңілдетуі мүмкін, өйткені патент жыл сайын салық төлеуді және артық бюрократиясыз жарналардың жеңілдетілген жүйесін көздейді», - деді Нұргүл Бекова.
«Үй жанындағы» дүкендер маңызды әлеуметтік рөл атқарады, өйткені бұл жерде көптеген адамдар тауарларды қарызға алып, ақшаны мүмкіндігінше қосымша пайызсыз қайтара алады. Жаңашылдық біз үшін көптеген қиындықтар туғызады. Соның ішінде бағаның мәжбүрлі өсуі. Бұл өз кезегінде клиенттеріміздің сатып алу қабілетіне әсер етеді», - дейді Раушан Шилеева.
Алматы қаласы «Атамекен» өңірлік палатасының заң қызметінің бастығы мәселені бизнес-омбудсменнің қарауына жіберуді ұсынды. Бұл ұсынысты кәсіпкерлер осы кездесуге шақырған «Ақ жол» партиясының өкілі де қолдады.
Кәсіпкерлер бұл мәселе бойынша ақпан айында немесе наурыз айының басында қайта жиналуға ниетті.
Пікір қалдыру:
Пікірлер: